跑步最重要除咗係雙腳之外，其實休息都係不可忽視嘅環節。專家指出，一輪劇烈運動後，立刻停止所有活動呢種休息方法會對身體做成損害。因為跑動時，雙腳可以協助心臟將血液帶到腦部，消除疲勞。相反當跑步時突然停低，雙腳唔再提供協助，心臟負荷則會相對提升。



點樣休息先係最好呢？專家提出「Active Recovery」──「運動後保持活動」嘅休息方法。更有研究證實，將「Active Recovery」融入跑步訓練，能幫助跑手吸取更多氧氣，令訓練效果更顯著。一齊睇吓訓練方法：



「Active recovery」時間視乎你跑步的劇烈程度，運動愈劇烈，「Active recovery」時間就愈長。

最舒暢程度：「Active recovery」時間同跑動時間嘅比例係1:1，例如以10分鐘跑1500米，就慢走10分鐘。

較劇烈程度：「Active recovery」時間同跑動時間嘅比例係2:1，例如以4分鐘跑800米，就須要慢走8分鐘。

最劇烈程度：「Active recovery」時間同跑動時間嘅比例係3:1，例如以全力跑400米，「Active recovery」時間就係完成時間嘅3倍。



如果想跑得更快更遠，就馬上為自己安排一個有效率嘅休息方法啦！